Sushi og afmæli

Sturla átti afmæli síðasta föstudag... 19.september...
Við fórum með matarklúbbnum okkar út að borða á Sticks and Sushi og vorum við Sturla mjög ánægð með tilraun okkar við Sushi :)

bloggleysi

Maður er bara hættur að blogga......

ég kenni Facebook um....

og kannski líka að það er ekkert að frétta... bara kannski :

• er að sækja um vinnur...

• Anika byrjuð í skólanum .... og gengur vel...

• Sturla jú byrjaður aftur í sínu námi ....

annars ekkert fleira ... og enginn sem les þetta hvortið er ;)

Til hamingju Ísland !!

Frábær frammistaða Íslendinga í handbolta .... Silfur er frábært!!



Horfðum saman á boltann í sumpen á kolleginu :)

Anika Rut byrjuð í skóla :)

Á leiðinni í skólann ....


Með nýju flottu skólatöskuna sína!



Bekkjarfélagar og annar kennarinn af 2.


Sæta við borðið sitt.

Frú Lísa

Já þá er hún Lísa mín búin að gifta sig... var í flotta brúðkaupinu þeirra í gær 5.júlí.
Bæði sem ljósmyndarinn og vinkona. Var með í undirbúningnum að mynda.. stökk svo á undan niður í kirkju að smella af þar áður en Lísa kom.. svo var athöfnin mjög falleg. Fór svo með brúðhjónin í Hljómskálagarðinn og þar í kring að mynda þau, það var rosa fjör hjá okkur :)
Svo var auðvitað haldið í veisluna þar sem ég skipti úr ljósmyndagallanum og í kjól. En smellti auðvitað af þeim út kvöldið .. eða þangað til vélin varð batteríslaus..
Þessi dagur var æðislegur og ekkert smá gaman að vera svona mikið með vinkonu sinni á brúðkaupsdaginn.
Innilega til hamingju Lísa mín og Helgi !

Ein mynd af okkur vinkonunum....

Útskriftardagurinn :)

Multimedia designer

Já það er ég :)
Náði prófinu með 10 Jeiiiiii
Útskriftin er á föstudag.. Mark skólafélagi heldur fyrirpartý og svo útskriftin, matur með kennurum og party í skólanum frameftir öllu.
Það verður sko fjör

Síðust 2 vikur...í myndum..

Mamma og pabbi komu



Anika fór með afa sínum í Tívolí.



Anika fékk nýjan flottan sundbol



Anika fór á Karíus og Baktus



María mín kom í heimsókn



Mamma verslaði á mig föt :)



Anika Rut mín farin í flugvélina til Íslands með ömmu og afa.

Ég er farin að læra næstu daga... prófið er 24.júní.

Celine Dion

Það var æðislega gaman á tónleikunum :)

Verkefnaskil og heimsókn

Jæja þá erum við hjónin bæði búin að skila af okkur stóru verkefnunum og líður okkur frábærlega með það :)
Mamma og pabbi koma á morgunn og verða í 2 vikur... við mamma förum á Celine Dion tónleika á fimmtudaginn og ætlum að byrja daginn á að fara upp í skólann minn í Gril-bar sem kennararnir verða í þjónustustörfunum. Þetta er skiladagur skólans á verkefnum (nema við Elín vorum bara svo extra duglegar og skiluðum inn í dag ;) Það verður spennandi að fara með mömmu á barinn í skólanum.
Svo eru prófin okkar 23. hjá Sturlu og 24. hjá mér. Svo við ætlum að nýta okkkur vel barnapíurnar í 2 vikur og læra fyrir þau.
Anika orðin spennt að fá ömmu og afa og talar mikið um það að fara í tívolíið með afa... enda þau búin að tala um það í símanum í meira en mánuð.
En já það verður spennandi næstu vikur...
Heimasíðan okkar verkefninu/fyrirtækinu sem við vorum að gera er: http://d41246.monline.dk

endilega kommentið hvað ykkur finnst.. ágætt að fá smá álit á þessu hjá okkur.

Nóg að gera

Þá er ég búin að gæsa hana Lísu mína. Við fórum nokkrar skvísur hér af kolleginu og 1 sem kom frá Íslandi og gerðum okkur glaðan dag með henni. Dagurinn í stuttu máli: Hún var sótt heim til sín og átti ALLS ekki von á því. Fórum heim til mín þar sem við snæddum rúnstykki og drukkum bjór í hádegismat. Fórum svo í keilu. Þaðan farið á bar sem við máttum syngja í Karaoke, auðvitað var Lísa látin taka fyrsta lagið. Röltum svo inn Istegade og keyptur ferðavíbrador fyrir gæsina. Áttum borð á kínverskum veitingarstað með Buffay og drykkjum eins og við gátum í okkur látið í 3 tíma :) Fórum á bar í einn koktail og svo á skemmtistað þar sem var dansað frameftir. Eða þangað til að fæturnar voru farnar að gefa sig eftir langan dag og þreytan tók völdin. Þetta var alveg æðislega skemmtilegur dagur.


Við fjölskyldan náðum okkur öll í pesti í síðustu viku, en sem betur fer lágum við eitt í einu. En við hjónin erum bæði á fullu að klára lokaverkefnið í skólanum og skiladagur verkefna er 3.júní og svo koma mamma og pabbi 4.júní og verða hjá okkur í 2 vikur. Taka svo Aniku með sér heim til Íslands og verður hún þar hjá ömmum og öfum á meðan við Sturla klárum prófin okkar. Ég mun útskrifast úr skólanum þann 27.júní :)
Svo ætla ég að stökkva á klakann 2.júlí þar sem Lísa og Helgi gifta sig þann 5. Svo förum við Anika aftur heim til Dk 11. júlí. Sturla verður einn heima á meðan. Kostar því miður allt of marga gengis-étna peninga að fara öll saman til Íslands í þetta skiptið.
Þangað til næst...
Áfram Ísland

White Trash party i kvöld

Elín er að fara halda upp á afmælið sitt í kvöld í festrummet og það er White Trash þema.
Ég er búin að finna dressið og ætla ég að láta Bleika litinn verða alsráðandi og netasokkarbuxur við.
Þetta verður Geðveikt stuð.

Yndislegt föstudags kvöld

Kallinn fer út á djammið og ég sé fram á rólegt föstudags kvöld með lærdóminn.... en NEII!
Þá byrjar vaskurinn á því að flæða upp úr og það gjörsamlega flæðir um allt gólf og eins og sést á mynd... ofan í skúffuna .... ARG!!!

Vorið er að koma :)

Apologize

Flott myndband

Ég fór á Kate Nash tónleikana í Vega síðasta föstudag með Elínu Rut, það var rosalega gaman.

Laugardaginn var ég að mynda brúðkaup og sunnudag var skírn...mér var boðið í skírnarveisluna þar sem var frítt áfengi og matur. Veislan var haldin á 1.hæð á the Dubliners á strikinu, enda faðirinn eigandi staðarins. Átti svosem ekkert að mynda mikið þar en þegar mér var réttur 2.eða 3. bjórinn þá ákvað ég að leggja bara myndavélinni og taka á móti bjórunum sem komu óðfluga að mér. Mark vinur minn var að vinna í veislunni á barnum og sá til þess að ég hefði nóg af öl. Svo þegar hann var búinn að vinna um hálf 9 þá héldum við áfram að sötra fría bjórinn. Kom heim á miðnætti lúinn eftir myndatökur helgarinnar og allnokkra öllara. Mætti því pínu ryðguð í skólann á mánudaginn ca klst of seint...úps!
Annars er það bara skólaverkefnið á fullu og vinna myndir helgarinnar.

Vorið er að koma

Vorfílingur í lofti... Anika komin á BLEIKA hjólaskauta!!
Við hjónin eigum 2 ára brúðkaupsafmæli á morgunn
Fyrirtækið mitt, Elínar og Lilju á að heita TRILOO

Vetur í köben

Já það snjóaði hjá okkur í dag, við Anika fórum út að leika okkur í snjónum :)

Heiða Módel

Draumaland